EAVTTUT DIEĐIHEAPMÁI

 

Go dieđiha Bingesrittai, dohkkeha oasseváldi seammás čuovvovaš eavttuid:

 

Dieđiheapmi

Dieđiheapmi ii leat dohkkehuvvon ovdal oasálastindivát lea mákson. Go dieđiheapmi ja máksu lea duođaštuvvon, biddjo oasálastti oasseváldilisttui.

 

Liseansa

Buot oasseváldiin ferte leat liseansa (dáhkádus) vai besset oasálastit gilvvus. Jus galgá beassat oasálastit sihkkelgilvvuin mat leat dohkkehuvvon Norgga sihkkellihtus (NCF), ferte juogo máksán birrajagiliseansa sihkkeljoavkku čađa, dahje háválaš liseanssa ovdal gilvvu.

 

Birrajagiliseanssa galgá čájehit go viežžá stártanummára gilvobeaivvi. Jus dus ii leat birrajagiliseansa, de sáhtát oastit háválaš liseanssa gi dieđihat gilvui. Háválaš liseansa máksá 50 ru. Ymber Lášmmohalliidej ja 150 ru. oasseváldiide Thon Gilvvus. Oasseváldit badjel 80 jagi eai dárbbat máksit liseanssa.

Loga eanet liseanssaid birra Norgga sihkkellihtu neahttasiiddus.

 

Persondieđut ja govat

Oasseváldi dohkkeha dieđiheami bokte ahte dieđut dego namma, valaštallanjoavku ja ahkeluohkká almmuhuvvojit interneahtas stártalistus ja bohtosiin.

 

Dieđiheami bokte oasseváldi maiddái dohkkeha ahte govat ja videot sis mat leat govvejuvvon lágideami oktavuođas, sáhttet almmuhuvvot interneahtas ja medias, ja ahte dat sáhttet adnot gilvvu márkanasttimis.

 

Oasálasttidivvága máhcaheapmi

Dábálaš njuolggadusaid mielde mákson oasálastindiva ii máhcahuvvo, jus it ane dan. Nu lea maiddái jus sivván dasa lea buozalmasvuohta dahje ahte leat roasmmahuvvan.

 

Šluhtten

Jus lágideami ferte šluhttet ovdal gilvobeaivvi, máhcahuvvo unnimusat 50 % mákson oasálastindivvagis. Jus lágideami ferte šluhttet gilvobeaivvi dálkki, siivvu dahje eará vuorddekeahtes ákkat dihte mat eai leat min hálddus (force majeure), de oasálastindivat ii máhcahuvvo.

Hovedsponsorer:

Sponsorer/samarbeidspartnere:

Freda Tore Turi

Habul AS ved Jan Ole Buljo

Čávžo Safari

Viddas Veidemann

Suolovuopmi fjellstue

Samekniv