MÁNÁID- JA NUORAIDGILVU

PROGRÁMMA

MÁNÁID- JA NUORAIDGILVU

SeastinBáŋkku1 Davvi-Norga lea mánáid- ja nuoraidgilvvu ovttasbargoguoibmi.

Nuoraidgilvu Seastinbáŋkku1 Miila (áigi váldo dušše jus dieđihat ovdagihtii)

Vuolgga: Dii 13.00 E45is davábealde Máze Turistsenter

Dieđiheapmi: Neahtas gaskavahku 22.08 rádjai dahje Mázes ovdal gilvu álgá.

Oasseváldidivát: ru 50,-

Áigeváldin: Áiggi sáhttit dušše váldit sis geat dieđihit iežaset ovdagihtii

interneahta bokte, ja oasseváldiin geat leat badjel 11 jagi.

Vuoittut: Pinsa ja diploma buohkaide geat oasálastet.

Liseansa: Buot oasseváldiin geat leat 13 jagi ja boarráset ferte leat liseansa

(dáhkádus). Háválaš liseanssa mii máksá 50 ru. sáhttá oastit ovdal

gilvvu. Jus oasseváldis lea birrajagiliseansa, de dan čájeha go

dieđiha gilvui.

Ahkemearri: 11 jagi

Guhkodat: 8 km.

Gilvoluodda vuolgá davábealde Máze Turistsenter E45is. Dasto loktana Stuoroaivvi guvlui meahcceluoddaráigge. Maŋŋel 3 km boahtá SeastinBáŋkku1 Miilla gilvoluodda Fefo-bálgá ala, ja čuovvu dán rájes seamma gilvoluotta go sii geat sihkkelastet Bingesritta 53,5 km guhku gilvoluotta. Dáppe lea muhtin muddui ceakko ja rušu miehteluohkká, ja dán máđijas lea fielloluodda bidjon jeaggeeatnama badjel (sullii 100 m). Gilvoluodda rasttilda de E45ja joatká asfálta alde sullii 1,5 km gitta mollii.